كليه العلوم جامعه القاهره

( علوم القاهرة )

تعمل بنظام الساعات المعتمدة وبها 24 قسم
سيبكوا من الصور دلوقتى هنتكلم عنها فى اخر البوست

التخصص فيها بيكون من سنة تانية بعد ما تنجح فى اولى وعلى حسب رغبتك ماعدا:

5 بيطلبوا جيد وهم: كيمياء منفرد ، كيمياء حيوي ، كيمياء/جيولوجيا ، جيوفيزياء ، فيزياء منفرد ، جيولوجيا منفرد.
وذلك حسب اخر تنسيق للكلية

*************
( سنة اولى )
************

بتدرس 7 مواد اساسيه 3 منهم اجباري وهم (رياضة - كيمياء - فيزياء)

و2 اختياري من الاتى بيأهلوني للقسم اللي انا عايز ادخله في سنة تانيه وهم:
مواد اختياريه لطلبة عملي رياضه فقط: (جبر - احصاء - ميكانيكا - جافا).
مواد اختياريه لطلبة علمي علوم فقط: (حيوان - نبات - حشرات - بيولوجي - بيوفيزياء).
مواد اختياريه مشتركه لطلبة علمى علوم ورياضة: (جيولوجيا - جيوفيزياء - فلك).

و4 مقررات اسمها متطلبات جامعة: انجلش + حقوق انسان + كمبيوتر + مادة رابعة اختيارية من ( ثقافة بيئية ، تاريخ وفلسفة ، مبادئ قانون ، مبادئ الإدارة والمحاسبة ) ودول لازم تاخدهم فى اى سنة من الاربع سنين بس كنصيحة خدهم فى سنة أولى لانك عندك ساعات فاضية ولان اولى اسهل سنة ، بتاخد 2 ترم أول و2 ترم تانى.

************
( سنة تانية )
************
علوم القاهرة فيها 24 قسم بتتخص فى واحد منهم حسب رغبتك وعلى حسب التخصص بتاعك بتدرس مواده ، شوف كل المعلومات عن دراسة ومواد وشغل أقسام كلية العلوم الموجودة بجامعة القاهرة:https://goo.gl/FyfWbb

علوم القاهرة تقدر فيها تقدم طلب لوكيل الكلية بانك عايز تتدخل قسم من اقسام علمى رياضة وانت علمى علوم او العكس وهيمتحنك فى احياء او رياضة ثانوي امتحان بسيط وبعدها يتيح ليك انك تاخد مواد القسم اللى انت عايزه فى سنة اولى وتدخل القسم اللى انت عايزه فى 2

************************************************
هى الجداول بتنزل امتى وازاى بعرف جدول محاضراتى؟
************************************************

انت اللى بتختار موادك وانت اللى بتعمل جدولك هما بس بينزلولك على موقع الكلية المواعيد المتاحة لكل ماده انت بتختار المواعيد اللى انت عايزها وتظبط جدولك وتسجله على موقع الكليه وبتطبعه وبتمضى عليه وتخلى اى دكتور فى الجامعة يمضيلك عليه وتصوره نسخة تسلم الاصل للشئون والنسخه التانية تخليها معاك وطبعا الطلبة الاكبر منكوا هتساعدكوا فى عمل الجدول ده متقلقوش

*****************
ايه نظام الدراسه ؟
*****************

كل ماده من 100 درجه متقسمه كالاتى 10 درجات على الميدتيرم وبيكون بعد شهر ونص بالظبط من بداية الدراسة ، وبعد 3 اسابيع بيبدأ العملى وده عليه 30 درجه ، اسبوع او اتنين بالكتير ويبدأ امتحان الفاينل وده الامتحان اللى فى اخر الترم خالص ب 60 درجة ، بس ال 30 درجه بتوع العملى بالنسبه للرياضه لانها ملهاش عملى بيبقى فيه ميدتيرم تانى ب 20 درجه و10 درجات على الكويزات (امتحانات صغيرة بتتعمل فى السكشن)
****************************
يعني ايه نظام الساعات المعتمده؟ شوف ده: https://goo.gl/J6y8wG

نظام التقديرات ايه ؟ النجاح من 60 ، مقبول 60 - 64 ، جيد 65 - 74 ، جيد جدا 75 - 84 ، امتياز 85 – 100