كليه العلوم جامعه المنصوره

( علوم المنصورة )

واخدة الجودة و نظام الدراسه فيها هو الساعات المعتمده
بالنسبه لدخول الاقسام التخصص من سنه اولى على حسب مجموعك فى الثانويه العامه
بنكتب 3 رغبات اقسام و الكليه بتنزل تنسيق و إن شاء الله كل واحد يدخل القسم اللى بيحبه
و ياريت و إحنا بنكتب رغبات نكتب اللى كل واحد حاسس إنه هيمشى فيه مش مجموعى عالى و اختار القسم اللى واخد مجموع عالى و خلاص

بالنسبة للمجموع فقسم كيمياء حيوي أعلى قسم وراه ميكروبيولوجي وبعدين كيميا خاص وراه كيميا وحيوان وكيميا ونبات وبعدين ف الآخر علوم بيئة

بالنسبه لطلبة علمى علوم لهم: ( كيمياء حيوى - كيمياء حيوان - كيمياء نبات - كيمياء إسبيشيل ، ميكروبيولوجي ، جيولوجيا وعلوم البيئة ، جيوفيزياء ، بترول )

طلبة علمى رياضه لهم: فيزياء حيوى ، فيزياء اسبيشيل ، الرياضه ، قسم الحاسب ، قسم جيوفيزياء ، جيولوجيا وعلوم البيئة ، بترول )

الأقسام الخاصة: بترول - بتروكيمويات - بيوتكنولوجي ، بس احنا مش بننصح بيهم لان ليهم نفس شغل الاقسام العادية ، تفاصيل: https://goo.gl/MwsGPl

قسم الكيمياء : فروعه كتير هنتكلم عن كل فرع باختصار
الكيمياء العضويه : بيركز على معظم المواد الي بتحتوي على الكربون زي الادويه والبلاستيكات
الكيمياء غير العضويه : بيركز على المواد الي لا تحتوي على كربون بشكل عام زي المعادن والفلزات واللافلزات واشباه الموصلات
الكيمياء الفيزيائيه : بيركز على سلوك على الماده وتغيراتها وتغيرات الطاقه المصاحبه لها زي سرعة التفاعل وآلية التفاعلات
الكيمياء التحليليه : بيركز على انواع المواد ومكوناتها زي الاغذيه وضبط جودة المنتجات
الكيمياء الحيويه : بيركز على الماده والعمليات الحيويه في المخلوقات الحيه زي التمثيل الغذائي والتخمر
الكيمياء البيئيه: بيركز على الماده والبيئه زي التلوث و الدورات الكيميائيه الحيويه
الكيمياء البوليمرات: بيركز على الاصباغ ومواد الطلاء
الكيمياء المبلمرات: بيركز على الانسجه ومواد الطلاء والبلاستيكات
الكيمياء النظريه: بيركز على نظريات تركيب الماده زي الروابط والتركيب الاكتروني