كليه العلوم جامعه المنوفيه

(علوم المنوفية )

تعمل بنظام الساعات المعتمدة

( اقسام طلبة علمى رياضة بالترتيب حسب تقديرات الكلية للدرجات )
1 - الرياضيات البحتة وعلوم الحاسب ( ودا بيعتبر اعلي قسم في شعبة رياضة )
2 - الفيزياء وعلوم الحاسب
3 - الجيوفيزياء (القسم دا بياخد من بتوع رياضة وبتوع علوم)
4 - الفيزياء
5 - الرياضيات البحتة
6 - فيزياء وعلوم الليزر
التخصص بيكون من سنه اولى و حسب درجه الكيمياء ف ثانويه عامه وبيكون اعلى قسم كمياء و بعد كداا كمياء و ميكرو على حسب التنسيق الداخلى للكليه
بيتعمل تنسيق داخلي حسب درجات الرياضة بتاعتك والفيزيا ، وبتكتب الاقسام الي عايز تخشها والكلية بتختارلك قسمك حسب التنسيق الي هما عاملينه
( اقسام علمي علوم حسب الترتيب )
1 - كيميا اسبيشيال
2 - كيميا وميكروبايولوجي
3 - كيميا وحشرات
4 - كيميا جولوجيا
5 - نبات اسبيشيال
6 - الكيميا والفيزيا
7 - كيميا ونبات
8 - كيميا وحيوان
9 - الفيزياء وعلوم الليزر
10 - علم الحيوان
11 - الجولوجيا
بيتعمل برده تنسيق داخلي حسب درجات الكيميا والجولوجيا والفيزيا .... وتكتب الاقسام الي انت عاوز تخشها والكلية بتختارلك قسمك حسب التنسيق الي هما عاملينه
ايه هو بقي النظام الدراسة ؟
عندك في ال 8 تيرمات في ال 4 سنين ، التيرم 18 ساعة حد اقصي ... 12 ساعة حد أدني
طب يعني ايه يعني انا باخد مواد ب 18 ساعة ، يا آخد مواد ب 12 ساعة 😃 
طب مثلا انا اخد مواد وشيلت مواد ونجحت في مواد تانية ، بس جيت اشوف تقدير التيرم مثلا لقيته اقل من 60 % ، كدة يبقي انا متراقب ، طيب ايه متراقب دي؟ يعني التيرم الي بعد الي شيلت فى دا مينفعش تاخد اكتر من 12 ساعة اللي هو الحد الادني بتاعك
موضوع ال 60 % والتقديرات
انت لما بتاخد المواد وتمتحن فيها والنتيجة بتطلع بتجمع الدرجات وتقسمها علي 1800 الي هو مجموع درجات التيرم ، وبعدها بتضرب في 100 وبكدة بتكون حسبت النسبة المئوية بتاعتك